Rhowch eich Cyfeirnod Cyn Gwneud Cais a fydd yn dechrau gyda ENQ/ yn y maes cyfeirnod os oes un wedi ei neilltuo i chi, fel arall teipiwch ENQ yn unig os gwelwch yn dda. Ewch i www.conwy.gov.uk/cyngorcynllunio i gael rhagor o wybodaeth a ffioedd. Nodwch y bydd y ffi gynllunio yn cael ei gwirio fel rhan o’r broses ddilysu i gadarnhau’r ffi gywir. Os nad ydych yn siwr beth yw’r ffi gywir, cysylltwch â’r Tîm Ceisiadau Cynllunio ar 01492 575251/575257 neu Ymholiadau Cyn Gwneud Cais ar 01492 575121.

Bydd pob trwydded parcio yn cael eu dosbarthu unwaith byddwn wedi derbyn y ffurflen gais gyda’r datganiad wedi’i lofnodi, a’r taliad.

Nodwch eich cyfeirnod Trwydded Safle yn dechrau gyda PL ynghyd â’r ffi gywir sy’n ddyledus.

Rhowch gyfeiriad eich eiddo / datblygiad fel atgyfeiriad gyda'ch taliad. Sicrhewch eich bod yn cyflwyno eich ffurflenni cynnig ynghyd â chynllun lleoliad gyda'ch taliad. Byddwch yn derbyn llythyr cadarnhad unwaith i'r cynnig gael ei gytuno. Am fwy o wybodaeth, ffurflenni a ffioedd ewch i www.conwy.gov.uk/enwiarhifostrydoedd.

Pan fydd taliad wedi’i wneud byddwch yn cael cadarnhad o’r archeb gan Pentrellyncymer. Os oes gennych unrhyw gyflwr meddygol neu gyflwr arall ac unrhyw ofynion dietegol, cysylltwch â’r ganolfan ar 01492 640735 neu anfonwch e-bost at nwoes@conwy.gov.uk. Rydym yn cadw’r hawl i ganslo neu gwtogi cwrs neu weithgaredd ar unrhyw adeg. Os byddwn yn canslo neu gwtogi oherwydd na allwn ddarparu’r cwrs neu weithgaredd, byddwn yn ad-dalu’r ffi ar gyfer y diwrnod hwnnw neu ran o’r diwrnod hwnnw. Gall cyrsiau preswyl ddisgwyl derbyn anfoneb Mân Ddyledwyr ar ôl y dyddiad, felly nid oes angen i ysgolion dalu drwy’r dewis ar-lein. Gall bobl sy’n Llogi Ystafell Ddosbarth hefyd ddisgwyl anfonebau ar ôl y cyfnod llogi felly eto nid oes angen talu drwy'r dewis ar-lein. I wneud taliad gyda cherdyn ar gyfer anfonebau Mân Ddyledwyr e.e. ar gyfer unrhyw un o’r dewisiadau uchod, defnyddiwch y dewis amrywiol anfonebau.